राजकुमार कार्की
भदौ १२ । महिला सामुदायिक
स्वास्थ्य स्वयम सेविका र स्वास्थ्यकर्मीलाई लैंगिक हिंसा सम्बन्धी स्थलगत
अनुशिक्षण कार्यक्रम सम्पन्न भएको छ ।
मानेभञ्ज्याङ गाउँपालिकाको वडा नं ४ केतुकेमा कार्यरत सामुदायिक महिला स्वास्थ्य
स्वयम सेविका र स्वास्थ्यकर्मीहरुलाई एकदिने अनुशिक्षण कार्यक्रम सम्पन्न भएको हो
। युनएफपीएको आर्थीक सहयोग तथा सिएमसी नेपालको सहकार्यमा बिहिबार स्वास्थ्य चौकी केतुकेको हलमा
अनुशिक्षण कार्यक्रम सम्पन्न गरेको थियो । स्थानीयस्तरमा लुकेर बसेका लैंगिक
हिँसाका घटनाहरुलाई बाहिर निकाल्ने उदेश्यले अनुशिक्षण कार्यक्रमको आयोजना गरिएको
युएनएफपीए जिल्ला संयोगक रेखा श्रेष्ठले जानकारी दिनुभयो ।
समुदायमा लंैगिक हिँसाका घटना लुकेर बस्ने
गरेको र महिला स्वास्थ्य स्वयम सेविका समुदायमा नै रहने भएकाले उहाँहरुलाई हिंसाको सहजीकरण गर्न सजिलो बनाउने उदेश्यले
आभिमुखीकरण गरिएको संयोजक श्रेष्ठले
बताउनु भयो । स्थानीयस्तरमा महिनामा कम्तिमा १ देखि २ वटा लंैगिक हिँसाका घटना
स्वास्थ्य संस्थामा र सामुदायिक मनोसामाजिक कार्यकर्तालाई रिफर गर्ने गरेका छन्
। लैंगिक हिँसा के हो, यसका रुपहरुको बारेमा
प्रष्ट बनाइएको थियो । लैंगिक हिँसाले हुने असरहरु र प्रभावको बारेमा, लैंगिक हिंसा भोगेका
ब्यक्तिहरुमा देखिने भावनात्मक, शारीरिक समस्या लगायतका विषयमा अभिमुखीकरण गराइएको
सिएमसी नेपाल कोशी प्रदेशका स्वास्थ्य संयोजक घनश्याम शर्माले जानकारी दिनुभयो ।
विश्व स्वास्थ्य संगठनका अनुसार, विश्वमा प्रति ३ जना महिला मध्ये १ जना महिला आफ्नो
जीवनकालमा शारिरीक वा यौनिक हिँसामामा पर्ने गरेका छन् । ५३ प्रतिशत महिलाहरु
आफ्ना श्रीमान र घनिष्ठ साथीहरुबाट हिंसाको अनुभव गर्ने गरेका छन् । नेपालमा १५
देखि ४९ वर्ष उमेर समुहका २३ प्रतिशत महिलाले १५ वर्षको उमेरदेखि शारिरीक हिँसा
भोगेका छन् र ८ प्रतिशतले कुनै न कुनैबेला यौनहिंसाको अनुभव
गरेको तथ्याँक छ ।
