राजकुमार कार्की
चैत १९ । कालिका माध्यमिक विद्यालय
सिस्नेरीको, विद्यालय ब्यवस्थापन समितिको अध्यक्षमा नवराज खड्का तेश्रोपटक सर्वसहमत
चयन हुनुभएको छ । मंगलबार सम्पन्न भएको चुनावमा नवराज खड्काको सेवाको कदर गर्दै
पुनः तेश्रो पटक सर्वसहमत अध्यक्षमा चयन गरिएको हो । विद्यालय सुधारका लागि
निस्वार्थ काम गर्ने नवराज खड्कालाई अविभावकले छोड्नै चाहेनन् ।
सानै उमेरमा पोलियो रोगका कारण एउटा खुट्टा सुकेर
सानो भएको छ । यताउता हिडडुल गर्न बैशाखीको सहायता आवश्यक पर्दछ । एउटा खुट्टा
नभएपनि बैशाखीको सहायताले ओखलढुंगा सदरमुकाम लगायत अन्य जुनसुकै ठाउँमा समेत पुग्न
कुनै हिजकिचाहट छैन । विद्यालयको काम झोलामा बोकेर स्थानीय सरकार देखि प्रदेश र
संघ सरकारको ढोका चाहारी रहने खड्काका कारण विद्यालयको भौतिक शैक्षिक गुणस्तर समेत
बृद्धि भएको स्थानीय अविभावकले जानकारी दिएका छन् ।
२०७३ सालमा चुनाव जितेर विव्यासको अध्यक्ष
बन्नुभएका खड्काले विद्यालयमा शैक्षिक सुधारका कार्यहरुको थालनी गर्नुभएको थियो ।
त्यसबेला आफ्नो कार्यकालमा विद्यालय शिक्षामा गुणस्तर बृद्धि गर्न सफल हुनुभयो ।
निस्वार्थ काम र विद्यालय सुधारमा सफल भएकाले पुनः २०७९ को चुनावमा अविभावकले खड्का
लाई नै अध्यक्षमा सर्वसहमत चयन गरेका थिए । विद्यालय सँगसंगै अन्य सामाजिक काममा
समेत चासोका साथ आफ्नो सहभागिता जनाउदै आउनु भएको छ । मंगलबार भएको चुनावमा अन्य
ब्यक्तिहरुको पनि अध्यक्षमा दावी थियो । तर नवराजलाई नै अविभावकले सर्वसहमत
अध्यक्षमा चुनेका थिए ।
उहाँको कार्यकालमा एडीवी मार्फत सुविधा सम्पन्न
भवन निर्माण सम्पन्न गर्नुका साथै दरबन्दी
अनुसारका विषयगत शिक्षकको ब्यवस्था भएको छ । विद्यालयको आफ्नै वेवसाइड निर्माण
गरिनुका साथै प्रत्येक कक्षामा सिसिटिभी र नेटवर्कीङ्ग सिस्टमको जडान गरिएको छ ।
हेडसरको कार्यकक्षबाट प्रत्येक कक्षामा बोल्न मिल्ने गरी स्पिकरको ब्यवस्था गरिएको
छ । विद्यार्थीहरुको ह्यान्डराईटीङ्ग सुधारका लागि तालिमको ब्यवस्था, उद्घोषणकलाको तालिम, संगित तालिम र संगित
सामग्रीहरुको ब्यवस्थापन समेत गरिएको छ । शिक्षण सिकाईको विषयमा प्रत्येक कक्षाका
विद्यार्थी, अविभावक, शिक्षक र विद्यालय व्यवस्थापनसँग प्रत्यक्ष अन्तर्कृया समेत गर्ने गरिएको
छ । पुस्तकालयको व्यवस्था, कम्प्युटर ल्यावको
व्यवस्था लगायत खेलक्षेत्रमा पनि उलेख्य प्रगति गरिएको छ । विद्यालयको
वार्षिकोत्सब मनाउन शुरु गरिएको छ भने विद्यालयको स्मारिका प्रकाशन गरिएको छ
। विद्यालयमा घेराबार तथा खेलमैदान
निर्माण जस्ता काम गरेको अध्यक्ष खड्काले बताउनु भयो । अहिले कालिका मावि
सिस्नेरीमा नर्सरी देखि १२ कक्षा सम्म ४ सय हाराहारी विद्यार्थी अध्ययन गरिरहेको
जानकारी दिएका छन् ।
