राजकुमार कार्की
ओखलढुंगा चैत २३ । नाबालिकालाई जबरजस्ती करणी गरेको आरोपमा पक्राउ
परेका अनिल मगर र निम बहादुर मगरलाई कारागार चलान गरिएको छ । जिल्ला अदालत
ओखलढुंगाको चैत २२ गतेको आदेशले मगरद्वयलाई पुर्पक्षका लागि कारागार चलान गरिएको
हो । दुवैजनालाई नाबालीकालाई फरक फरक मितिमा जबरजस्ती करणी गरेको आरोप छ ।
१५ वर्षीय नाबालीकालाई फरक फरक मितिमा जबरजस्ती करणी गरेको आरोपमा
फागुन ३० गते दुई पुरुषलाई पक्राउ गरी
अनुसन्धान गरिएको थियो । सिद्धिचरण नगरपालिका–६, निवासी २३ वर्षीय अनिल मगरले नाबालीकालाई फागुन ५ गते जबरजस्ती करणी
गरेको आरोप छ । सोई वडाका ५९ वर्षीय निम
बहादुर मगरलाई फागुन १५ गते सोई नबालिकालाई जबरजस्ती करणी गरेको आरोप छ ।
प्रहरीले दुवैजनालाई पक्राउ पश्चात आवश्यक अनुसन्धान गरी अदालतमा
बुझाएको थियो । जिल्ला अदालत ओखलढुंगाले दुवै आरोपीलाई कारागरमा राखेर थप
अनुसन्धान गर्न आदेश दिईएको छ । आरोपी दुवैजना मगरलाई जबरजस्ती करणी कसुरमा मुद्दा
चलाईएको जिल्ला प्रहरी कार्यालय ओखलढुगाले जानकारी दिएको छ ।
