राजकुमार कार्की
माघ २५ । चिशंखुगढी गाउँपालिका–६, भदौरेका राई दम्पतिको
हत्यारोपमा एक नाबालक सहित दुईजना पक्राउ गरी प्रहरीले सार्वजनिक गरेको छ । आईतबार
जिल्ला प्रहरी कार्यालयमा पत्रकार सम्मेलन कार्यक्रमको आयोजना गरी प्रतिवादीहरु
सार्वजनिक गरिएको हो ।
साविक भदौरे गाउँविकास समिति–४, हाल चिशंखुगढी
गाउँपालिका–६, बस्ने ३४ वर्षीय धनबहादुर राना मगर र १७ वर्षीय बालक पक्राउ गरी सार्वजनिक
गरिएको छ । दुवैजनालाई काठमाण्डौ महानगरपालिका वडा नं १५, डल्लु लखतिर्थमार्ग
डेराकोठाबाट २३ गते पक्राउ गरिएको प्रहरी नायव उपरिक्षक मदन केसीले जानकारी
दिनुभयो । प्रतिवादीहरुलाई माघ २५ गते सम्मानित जिल्ला अदालत ओखलढुंगाबाट ज्यान
सम्बन्धी कसूर तथा डाँका चोरी शिर्षक मुद्दामा म्याद लिई थप अनुसन्धान भईरहेको छ ।
प्रहरी प्रधान कार्यालय केन्द्रीय अनुसन्धान ब्युरो, कोशी प्रदेश प्रहरी कार्यालय र जिल्ला प्रहरी
कार्यालय ओखलढुंगाको अनुसन्धान टोलीले संयुक्त अनुसन्धान गरेको थियो ।
अनुसन्धानबाट हत्यामा संलग्न हुनसक्ने ब्यक्तिहरु काठमाण्डौको डल्लु क्षेत्रमा
लुकीछिपी बसेको भन्ने खुल्न आएपछि ओखलढुंगाबाट प्रहरी टोली काठमाण्डौ गई केन्द्रीय
अनुसन्धान ब्युरोसँगको समन्वय बाट घट्नामा संलग्न २ जनालाई पक्राउ गरिएको जनाईएको छ ।
घट्नास्थल र प्रतिवादीहरुबाट विभिन्न सामग्री (दसी
प्रमाण) हरु वरामद गरिएका छन् । माघ १३ गते घट्नास्थलबाट १ थान कोदालोे वरामद
गरिएको थियो भने प्रतिवादीहरु सँगै रहेको अवस्थामा मृतक चन्द्रमाया राईले प्रयोग
गर्ने गरेको मोबाईल १ थान, प्रतिवादीहरुले घट्नाको क्रममा प्रयोग गरेको मोबाईल २ थान, घट्नास्थलबाट लुटिएको
एनटिसीको रिचार्ज कार्ड रु ५० को ६४ थान, रु १०० को ८२ थान एनसेलको रिचार्ज कार्ड (रिचार्ज
नगरेको) रु १०० को १३ थानसहित जम्मा १५९ थान वरामद गरेको छ भने घट्नास्थलबाटै मृतकको कानमा लगाउने सुन जस्तो
देखिने पहेलो धातुको माडवाडी १ जोर र सिक्री १ थान घट्नास्थलबाट लुटिएको नगद रु
१००० को १२ थान १२ हजार र ४ थान सि माला बरामद गरिएको छ । त्यसैगरी काभ्रेपलाञ्चोक जिल्ला पनौती नगरपालिका–४, पशुपतिटोल स्थित
प्रतिवादीको आफन्तको डेराकोठाबाट मृतक चन्द्रविक्रम राईले प्रयोग गर्ने मोबाईल १
थान वरामद गरिएको जिल्ला प्रहरीले कार्यालय ओखलढुंगाले जानकारी दिएको छ ।
प्रहरीका अनुसार, प्रतिवादी दुईजनाले काठमाण्डौमै योजना बनाई
लुटपाट गर्ने र हत्या गर्ने उदेश्यले घट्नास्थल आएका थिए । रातीको सयमा गाउँमा गई
राती नै घट्ना घटाएर राती नै उक्त घट्नास्थल छोडेका थिए ।
चिशंखुगढी– ६, भदौरेको बोहोरे टोलका अन्दाजी ८१ वर्षीय
चन्द्रविक्रम राई र उहाँकी धर्मपत्नि
अन्दाजी ८० वर्षीय चन्द्रमाया राईको १२ गते राती हत्या गरिएको थियो ।
सामान्य किराना पसल सन्चालन गर्दै आएका राई दम्पतिको लुटपाटपछि हत्या गरिएको थियो
। जिल्ला प्रहरी कार्यालयका अनुसार, घरको दोश्रो तलाको सुत्ने कोठाको खाटमा सिरक ओढेको
अवस्थामा श्रीमान चन्द्रविक्रमको शव र श्रीमतिको खाटको छेउ भुइमा सिरक ओढेकै
अवस्थामा मृतअवस्थामा शव भेटिएको थियो ।
खाट मुनी रगत लतपतिएको देखेपछि घट्ना हत्या भएको हुनसक्ने प्रहरीले आशंका
गरेको थियो । राई दम्पतिको लुटपाट पश्चात हत्या गरेको हुन सक्ने आशंका प्रहरी र
स्थानीयबासीले गरेका थिए । घट्ना शंकास्पद
देखेपछि प्रदेश प्रहरी कार्यालयबाट तालीम
प्राप्त कुकुर समेत झिकाई प्रहरीले अनुसन्धान सुरु गरेको थियो ।
पुस १५ गते चिशंखुगढी गाउँपालिका–६, भदौरेको गैरीगाउँमा
६० वर्षीय सोवितमान थापामगर र उहाँकी धर्मपत्नी ६० वर्षीय रत्नमाया थापामगरको
लुटपाटपछि हत्या गरिएको थियो । असोज २६ गते सिद्धिचरण नगरपालिका ४ चार्खुमा एकल
महिला रत्न कुमारी कटवाल (कार्की) को पनि हत्या गरिएको थियो । हत्यामा संलग्न भएको
आरोपमा चारजना युवा, मिलन भन्ने संगम राई, विनोद राई, प्रकाश भुजेल र
दोर्जे भन्ने अशोक भुजेल पक्राउ गरी पुपक्र्षका लागि कारागार पठाईएको छ
।
