चैत २३ । जिल्लाको चम्पादेवी
गाउँपालिकामा अध्यक्ष कप खेलकुद प्रतियोगिता सँगै शैक्षिक प्रतियोगिता समेत गरिने
भएको छ । गाउँपालिकाले अध्यक्षकप खेलकुद प्रतियोगितामा हाजीरीजवाफ, बादविवाद र लोकदोहोरी प्रतियोगिता
गरिने भएको हो । गाउँपालिकाले वार्षिक स्वीकृत कार्यक्रम अनुसार खुल्ला पुरुष
अन्तरपालिका भलिबल प्रतियोगिता र पालिका भरी विभिन्न २० वटा विधामा प्रतियोगिता
गराईने पालिका प्रमुख नवराज केसीले जाकारी दिनुभयो ।
चम्पादेवी गाउँपालिकाको स्थानीय
खेलमैदान वडा नं ९ स्थित डल्लीडाँडा खेलमैदानमा चैत २७ गतेदेखि खेलकुद प्रतियोगिताको
आयोजना गरिने पालिकाले जानकारी दिएको छ । हाजिरीजवाफ, वत्तृत्वकला र लोकदोहोरी प्रतियोगिताको
लागि गाउँपालिका भरिका नागरिकले सहभागी जनाउन सक्नेछन् । ‘समृद्ध चम्पादेवी गाउँपालिका निर्माणमा
पर्यटन व्यावसायको महत्व र संभावना’ शिर्षकमा
वादविवाद प्रतियोगिता गरिनेछ । स्थानीयस्तरमा भएका मनोरञ्जानामत्म खेलकुद
प्रतियोगिताहरुलाई पनि समाबेश गरिएको छ । गोेरुजुधाई, जीवनसाथी बोकेर दौडीने, घैँटो फुटाउने, भाले झिक्ने लगायतका खेलहरु खेलाईनेछन्
।
खेलकुद प्रतियोगितामा हाजिरीजवाफ
प्रतियोगिता र बत्तृत्वकला प्रतियोगिता राखीनुले खेलकुद सँगै शैक्षिक गुणस्तर
बृद्धिमा सहयोग पुग्ने स्थानीय जानकारहरुले बताएका छन् । वादविवाद प्रतियोगितामा
प्रथम द्वितिय तृतिय र शान्त्वना हुनेहरुलाई क्रमशः ५ हजार ३ हजार २ हजार र १ हजार
नगद वितरण गरिनेछ । त्यसै गरी लोकदोहोरी प्रतियागिता र हाजिरीजवाफ प्रतियोगितामा
प्रथम द्वितिय तृतिय र शान्त्वना हुनेहरुलाई क्रमशः १० हजार ७ हजार ५ हजार र ३
हजार नगद वितरण गरिनेछ ।
सबैभन्दा बढी नगद राशी खुल्ला पुरुष
भलिबल प्रतियोगितामा मा रहेको छ भने सबैभन्दा कम सटपुट महिला र पुरुष
प्रतियोगितामा रहेको छ । खुल्ला पुरुष भलिबल तर्फ प्रथम द्वितिय तृतिय र शान्त्वना
हुनेहरुलाई क्रमशः २ लाख १ लाख ५० हजार १ लाख र ५० हजार र नगद पुरस्कार रहेको छ
भने सबैभन्दा कम सटपुट (महिला, पुरुष)
तर्फ प्रथम द्वितिय तृतिय र शान्त्वना हुनेहरुलाई क्रमशः ३ हजार २ हजार १ हजार र ५
सय नगद पुरस्कार रहेको छ । पालिकाभित्र वडास्तरीय महिला भलिबल प्रतियोगिताको लागि
प्रथम द्वितिय तृतिय र शान्त्वना हुनेहरुलाई क्रमशः ५० हजार ३५ हजार २० हजार र १०
हजार नगद पुरस्कार दिइनेछ ।
खेलकुद प्रतियोगिता चैत २७ गतेदेखि ३०
गते सम्म सन्चालन हुनेछ । भने चैत २६ गते सम्म टिम दर्ता गराउन सकिनेछ ।
प्रतियोगिता चम्पादवी गाउँपालिकाको निर्मानाधिन रंगशाला डल्लीडाँडा खेलमैदानमा
हुनेछ । उक्त खेलमैदान जिल्लाकै प्रसिद्ध एवं प्रमुख धार्मिकस्थल श्रीचम्पादेवी
मन्दिर नजिकै रहेको छ । खेलकुदको मनोरञ्जन गर्न आउने दर्शक महानुभावहरुले
श्रीचम्पादेवीको समेत पूजार्चना गर्न सकिने पालिकाले जानकारी दिएको छ ।
