राजकुमार कार्की
साउन १३ ।
सिद्धिचरण नगरपालिकाका स्थित सन्चालीत सामुदायिक विद्यालयमा सहयोग गर्न बेल्जियममा
च्यारिटी कार्यक्रमकोे आयोजना गरिएको छ । नेपाली कांग्रेस बेल्जियम सम्पर्क
समितिले सामुदायिक विद्यालयलाई सहयोगका लागि च्यारिटी कार्यक्रम गरेको हो । नेपाली
जनसम्पर्क समिति बेल्जियमको रजत महोत्सव, बेल्जियम सम्पर्क समितिका पूर्वसभापतिहरुलाई
सम्मान लगायतको कार्यक्र गरिएको छ । च्यारिटी कार्यक्रममा स्वइच्छाले दान गरेको
रकमले ओखलढुंगा जिल्लाको सिद्धिचरण नगरपालिकाका सामुदायिक विद्यालयहरुमा शैक्षिक
गुणस्तर बृद्धि गर्न सहयोग गर्ने बेल्जियम सम्पर्क समितिका सभापति सुवास गुरुङले
जानकारी दिनुभयो । उहाँका अनुसार, ‘कार्यक्रममा स्वच्छिक दानको ब्यवस्था गरिएको छ, कार्यक्रममा उपस्थित
भएर स्वइच्छिक रुपमा दानगरेको रकम विद्यालयको शैक्षिक गुणस्तर बृद्धिमा खर्च
गरिनेछ ।’
नेपाली कांग्रेसका प्रवक्ता पूर्वमन्त्री डा. प्रकाशशरण महतको प्रमुख आतिथ्यमा २८ जुलाई २०२५ अर्थात साउन १२ मा कार्यक्रम सम्पन्न भएको छ । सिद्धिचरण नगरपालिका–४, रुम्जाटारमा जन्मनु भएका सुवास गुरुङ बेल्जियमलाई कर्मथलो बनाई काम गरिरहनु भएको छ । उहाँको पहल र सक्रियताले शैक्षिक गुणस्तरको लागि थप टेवा पुग्ने स्थानीय जानकारहरुले बताएका छन् । गुरुङ नेपाली कांग्रेस बेल्जियम सम्पर्क समितिको सभापतिमा रहि सामाजिक सेवामा समेत तल्लिन हुनुहुन्छ ।
