भदौ २
। वर्षाका कारण आएको बाढी, पहिरो डुवानलगायतका विपद्मा परेर आजसम्म एक सय ९० जनाको ज्यान गएको छ ।
पछिल्लो २४ घण्टामा मात्रै आठ जनाले ज्यान गुमाएका छन् । गत जेठ २८ गतेदेखि देशका विभिन्न स्थानमा आएको
बाढी, पहिरोलगायत विपद्मा आजसम्म एक सय ९० जनाको ज्यान गएको
नेपाल प्रहरीका केन्द्रीय प्रवक्ता एवं प्रहरी नायब महानिरीक्षक दानबहादुर
कार्कीले जानकारी दिनुभयो ।
प्रहरीका
अनुसार काठमाडौँ उपत्यकामा तीन जना कोशी प्रदेशमा २७ जना, मधेश प्रदेशमा आठ जना,
बागमती प्रदेशमा ३२ जना, गण्डकी प्रदेशमा ५६
जना, लुम्बिनी प्रदेशमा ३६ जना, कर्णाली
प्रदेशमा १३ जना र सुदूरपश्चिम प्रदेशमा १५ जना गरी जम्मा एक सय ९० जनाको ज्यान
गएको छ ।
काठमाडौँ उपत्यकामा ११, कोशी प्रदेशमा ३८,
मधेश प्रदेशमा १२, बागमती प्रदेशमा २३,
गण्डकी प्रदेशमा ४५, लुम्बिनी प्रदेशमा १८,
कर्णाली प्रदेशमा ५७ र सुदूरपश्चिम प्रदेशमा ३४ जना गरी दुई सय ३८
जना विभिन्न विपद्मा परी घाइते भएका प्रहरीले जनाएको छ ।
सोही
अवधिमा एक सय १४ जनाको उद्धार गरिएको छ । बाढीपहिरोमा परी कोशी प्रदेशमा दुई, मधेश प्रदेशमा एक,
बागमती प्रदेशमा ४१, गण्डकी प्रदेशमा दुई,
लुम्बिनी प्रदेशमा एक, कर्णाली प्रदेशमा एक र
सुदूरपश्चिम प्रदेशमा एक गरी ४९ जना बेपत्ता रहेका प्रहरीले जनाएको छ ।
बाढीका
कारण आजसम्म तीन सय ८४ घर डुवानमा परेका छन् । तीन सय २७ घर, एक सय १२ वटा गोठ,
५१ वटा पुल, चारवटा विद्यालय दुई सरकारी
कार्यालयमा क्षति भएको छ । यस्तै, चार हजार आठ सय १९ परिवार
विपद्का घटनाबाट विस्थापित भएको विवरण प्रहरीले सोमबार सार्वजनिक गरेको छ ।
