साउन १३ ।
ओखलढुंगाका अपाङ्गता भएका एक युवाले मरणोपरान्त अंगदान गर्नुभएको छ । ओखलढुंगा
जिल्ला सुनकोशी गाउँपालिका–३ का युवा नबराज खड्काले मरणोपरान्त अंगदान गर्नु भएको हो । उहाँले मृगौला, मुटु, फोक्सो, कलेजो, प्याङ्क्रियाज र
सानोआन्द्रा मरणोपरान्त दान गर्नुभएको छ । शहीद धर्मभक्त राष्ट्रिय प्रत्यारोपन
केन्द्र भक्तपुरमा गई अंग दान गरेको बताउनु भयो । साउन १३ गते आइतबार उक्त
केन्द्रमा गई मृत्यु पश्चात अंगदानको अनुसूची १९ को नियम १८ को (ख) अनुसार मन्जुरीनामा गरी अंगदान गरिएको
बताएका छन् ।
शरिर सँगै जलेर सकिएर जाने अंगहरु अरुलाई काम लागोस् भनेर दान गरिएको खड्काले बताउनु भयो । आफु मरेर गएपनि आफ्नो अंगले अरु मान्छे बाँचोस भन्ने उदेश्यले मरणोपरान्त अंग दान गरिएको बताउनु भयो ।
२०४५ सालमा जन्मनु
भएका खड्का सानै उमेरदेखि अपाङ्गता हुनुहुन्छ । उहाँको दाहिने खुट्टा पोलियो
रोगका कारण सुकेको र लुलो छ । दाहिने
खुट्टा लुलो भएपछि बैशाखीको सहायताले हिँडडुल गर्ने गर्नु भएको छ । करिब दुइवर्षको
उमेर देखि नै खुट्टा नचलेको हो । समयमै उपचार गर्न संभव नभएपछि खुट्टा सधैका लागि
लुलो नै भइरह्यो । पछि ठुलोभएपछि भने बैशाखीको सहायताले हिँड्ने गर्नु भएको छ ।
सहयोगी भावना भएका खड्का सानै उमेर देखि सामाजिक काममा अग्रसर हुनुहुन्छ । समान्य
परिवारमा जन्मेका खड्काकोे परिवारमा बुवा र तीन दाजुभाई, दुई दिदि बहिनी छन् ।
आमाको करिब १४ वर्ष अगाडी नै निधन भएको हो ।
अहिलेको भड्कीलो समाजमा, मरणोपरान्त आफ्ना महत्वपुर्ण अंग दान गरेर नबराज खड्का एक उदाहरणीय युवा बन्नु भएको छ ।
