असोज ८ । खिजीदेम्बा गाउँपालिका–६ स्थित एलुङ खोलाले
बगाएर बालीकाको मृत्यु भएको छ । बुधबार दिउसो करिब १ः३० बजेको समयमा खोला तर्ने
क्रममा बगाएर मृतअवस्थामा बालीकाको शव
भेटिएको हो । मोलुङ गाउँपालिका–६, नयाँबन बस्ने लाक्पा शेर्पाको छोरी अन्दाजी १४ वर्षकी
निमडोमा शेर्पालाई खोलाले बगाएर मृत्यु भएको छ । एलुङ खोलाको पाखामा निगुरो टिपेर
घर फर्कदा खोला तर्ने क्रममा बगाएर मृत्यु भएको बताएका छन् । दिउसो करिब साँढे १
बजे खोलाले बगाएको बालीकालाई करिब ५ः१० बजेको समयमा मृतअवस्थामा भेटीएको जिल्ला
प्रहरी कार्यालय ओखलढुंगाले जानकारी दिएको छ । घटनास्थलबाट करिब १ कि.मी टाढा
पूर्व पट्टि खिजीदेम्बा गाउँपालिका–६ स्थित खोलाको किनारमा घोप्टो अवस्थामा मृतअवस्थामा फेला परेको जानकारी दिएका
छन् । आवश्यक अनुसन्धान र कानूनी प्रकृयाका प्रकृयाका लागि बरुणेश्वर रामपुरबाट
प्रहरी टोली घटनास्थल तर्फ गएको जानकारी दिएका छन् ।
