राजकुमार कार्की
कात्तिक १९ । नेकपा एमालेका
उपमहासचिव पृथ्वीसुब्बा गुरुङले नेपालको सुरक्षा संयन्त्रलाई चलाउन नसकिएको बताउनु
भएको छ । नेकपा एमालेको बृहत कार्यकर्ता भेलामा ओखढुंगा आउनु भएका गुरुङले यस्तो
बताउनु भएको हो । प्रेस चौतारी नेपालले आयोजना गरेको पत्रकार सम्मेलनमा बोल्दै
गुरुङले नेपालको सुरक्षा संयन्त्रलाई चलाउन नसकिएको दावी गर्नुभयो । कार्यक्रममा
बोल्दै उहाले भन्नुभयो; ‘नेपाली सेना, प्रहरी, गुप्तचर चलाउन सकिएको रहेनछ, यो विषयमा ध्यान दिन सकिएन । कर्मचारीको
पुरानो संरचनालाई विश्वास गर्दै आयाैँ तर यसलाई जनता प्रति फ्रेन्ड्ली बनाउन
सकिएनछ ।’
गत भदौ २३ र २४ मा भएको जेन्जी आन्दोलनमा
सरकारी संरचना जलेर ध्वस्त हुँदा पनि सेना प्रहरीले हात बाँधेर बसेकाले ठुलो भौतिक
क्षति भएको बताउनु भयो । ‘सिँहदरबार जलेर ध्वस्त हुँदा पनि सेना टुलुटुलु हेरेर बस्यो, जब मुलुक ध्वस्त भयो भनेपछि
सेना अगाडी आयो ।’ सेना प्रहरीलाई निकम्मा बनाएर असंवैधानीक
ढंगबाट सत्ता पलट गरिएको दाबी गर्नुभयो । पश्चिमाहरु लागेर प्रहरीलाई निकम्मा बनाई, प्रहरीका हतियार समेत
लुटेर ह्युमिलिएट गरिएको पहिलो घटना भएको बताउनु भयो । सिँहदरबारमा दनदन आगो
दन्कीदा त्यसको सुरक्षामा बसेका एक
बटालीयन सेनाले पनि सुरक्षा दिन नसकेको बताउदै, मदन भण्डारी देखि राजा विरेन्द्रको
हत्याकाण्ड र अहिलेको जेन्जी आन्दोलन सम्म आईपुग्दा नेपालको सुरक्षा संयन्त्रले
प्रभावकारी काम गर्न नसकेको जिकिर गर्नुभयो ।
अहिले नेपालको ब्यवस्था र संविधान नै कोमा
पु¥याइएको छ, एमाले, कांग्रेस, माओबादीका नेतालाई
निष्तेज बनाएर मुलुकलाई अस्थिर बनाई काम गर्न लागेको समेत आरोप लगाउनु भएको छ ।
कार्यकारी प्रमुख हुनुपर्ने माग, जेन्जीहरुको नभएको र
बिचमा उकासेर घुसाइएको भन्दै, हाम्रो जस्तो देशमा भूराजनीतिका कारण सधै अस्थितर
हुने खतरा रहेको बताउनु भयो ।
नेपालको इतिहाँसमै पहिलो पटक कम्युनिष्ट
पार्टीमाथी आक्रमण भएको र २००७ साल, २०४६ साल ०६२÷०६३ सालको क्रान्ति र
आन्दोलनमा पनि यति धेरै भौतिक संरचना ध्वस्त नभएको बताउनु भयो । अहिले भएको संसद
विघटन असंवैधानीक भएकाले प्रतिनिधी सभाको पुनस्र्थापना हुनेमा नेकपा एमाले ढुक्क
रहेको समेत बताउनु भयो ।
