राजकुमार कार्की
भदौ १७ । सिद्धिचरण नगरपालिकाले
काठमाण्डौमा सन्चालन गरेको शिविरमा १ लाख ९६ हजार ११३ राजश्व संकलन भएको छ ।
आइतबार देखि शुरु भएको दुई दिने शिविरमा विभिन्न सेवा वितरण संगै राजश्व संकलन
भएको हो । नगरपालिका बाट कामको सिलसिलामा वा विभिन्न कारणले काठमाण्डौमा बसोबास
गर्ने बृद्धबृद्धा लगायतका नागरिकलाई सेवा दिने उदेश्यले शिविरको आयोजना गरिएको
नगर प्रमुख तेजेन्द खनालले बताउनु भयो ।
शिविरमा २६५ जनाको सामाजिक सुरक्षा भत्ताको
विवरण दर्ता तथा नविकरण गरिएको छ । १०६ जनालाई राष्ट्रिय परिचय पत्र वितरण गरिएको
भने । जन्मदर्ता प्रमाणपत्र ५० वटा, मृत्यु दर्ता ५ वटा, विवाह दर्ता २१ जोडी, बसाईसराई ९ परिवार, सम्बन्ध विच्छेद २
जोडी,
नाता प्रमाणीत ४२ वटा
वितरण गरिएको छ । वडा कार्यालयबाट अन्य सिफारिश ४२० वटा र ज्येष्ठ नागरिक परिचय
पत्र ५ वटा वितरण गरिएको छ । गाउँको सेवा शहरमै पाएपछि नागरिकहरु खुशी भएका छन् ।
बृद्धबृद्धालाई गाडीको यात्रा कठिन हुन्थ्यो तर नगरले शहरमा सेवा सेवा दिन आएकोमा
नगरको टिमलाई धन्यबाद दिएका छन् ।
