राजकुमार कार्की
भदौ १९ । लैंगिक हिंसा रोकथाम तथा
प्रतिकार्य सम्बन्धी पालिकास्तरीय समन्वय बैठक सम्पन्न भएको छ । चम्पादेवी
गाउँपालिका ओखलढुंगामा विभिन्न निर्णयहरु गर्दै बिहिबार समन्वय बैठक सम्पन्न भएको
हो । पालिका उपाध्यक्ष दिलामाया मगरको अध्यक्षतामा समन्वय बैठक सम्पन्न भएको छ ।
पालिकास्थित विभिन्न शाखाका प्रमुखहरु, वडा
अध्यक्षहरु र दलित महिला सदस्य लगायत
सरोकारवालाहरुको उपस्थितिमा कार्यक्रम गरिएको थियो । ओसीएमसी र सेफ हाउसको
दिगोपनाका लागि कार्यक्रमको आयोजना गरिएको युएनएफपीएकी जिल्ला संयोजक रेखा श्रेष्ठले जानकारी दिनुभयो
। परियोजनाको बारेमा र समग्र लैंगिक हिंसाको अवस्थाको बारेमा संयोजक श्रेष्ठले
प्रष्ट पार्नुभएको थियो भने सेफहाउसको
सन्चालनको बारेमा सेफ हाउस इन्चार्ज धनकुमारी थापाले प्रष्ट पार्नुभयो । त्यसै गरी भावी कार्ययोजनाको तथा प्रजनन् स्वास्थ्यको
विषयमा सिएमसी नेपालका स्वास्थ्य संयोजक
घनश्याम शर्माले प्रस्तुतीकरण गर्नुभएको थियो ।
कार्यक्रममा बोल्दै वडा नं ३ की दलित महिला
सदस्य मनिता बि.कले कार्यक्रम राम्रो भएको र पालिकामा सन्चालन गर्न आवश्यक रहेको
बताउनु भयो । प्रमुख प्रशासकीय अधिकृत धनराज श्रेष्ठले हिंसा भनेको अरुलाई पर्दा
थाहा नहुने र आफुलाई पर्दा आकाश खसेजस्तै हुने विषय भएको बताउनु भयो । त्यसै गरी
कार्यक्रमको अध्यक्ष एवं चम्पादेवी
गाउँपालिकाकी उपाध्यक्ष दिलामाया मगरले लैंगिक हिंसा न्युनीकरण गर्न पालिकाले
तदारुक्ताका साथ काम गर्ने बताउनु भयो ।
सेफहाउस र ओसीएमसी सन्चालन गर्न जिल्लास्तरीय बैठकले निर्धारण
गरेअनुसारको बजेट सिद्धिचरण नगरपालिकाको खातामा जम्मा गर्ने लगायतका निर्णहहरु
गरिएको छ । त्यसैगरी पालिकास्तरीय ओसीएमसी कार्ययोजना मस्यौदा तयार गर्न ३ सदस्यीय
समिति समेत गठन गरिएको छ । उक्त समितिमा ः
स्वास्थ्य शाखा प्रमुख : संयोजक
महिला शाखा प्रमुख : सदस्य
शिक्षा शाखा प्रमुख : सदस्य
गठित समितिले असोज ५ भित्रमा मस्यौदा तयार पारी पेश गर्नुपर्नेछ ।
