असार १३ । राष्ट्रिय परीक्षा बोर्ड, परीक्षा नियन्त्रण कार्यालयले माध्यामिक शिक्षा परीक्षा एसईई को नतिजा सार्वजनिक गरेको छ । नतिजाअनुसार ४७।८६ प्रतिशत विद्यार्थी ग्रेडिङमा समावेश भएका छन् । कार्यालयले जारी गरेको सूचना अनुसार नेपाल टेलिकममार्फत् १६०० कोड प्रयोग गरेर एसएमएस तथा आईभीआर गरेर हेर्न सकिने, स्विफ्ट टेक्नोलोजी प्रालिमा ३४४५५ कोडमा, जानकी टेक्नोलोजी प्रालि ३५००१ मा कोडमा, इजी सर्भिस प्रालिमा ३४९४९ कोडमा र आकाश टेक प्रालिमा ३१००३ कोड राखेर एसएमएस गरेर नतिजासम्बन्धी विवरण हेर्न सक्नेछन् ।
त्यस्तैगरी राष्ट्रिय परीक्षा बोर्ड, परीक्षा नियन्त्रण कार्यालय कक्षा १०, राष्ट्रिय परीक्षा बोर्ड, नेपाल टेलिकम, खल्ती, इसेवा, एनसेल लगायतका वेबसाइटमार्फत् पनि नतिजा
विवरण हेर्न सकीने कार्यालयले जनाएको छ ।
१४ असार २०८१, बिहिबार ११:४० मा प्रकाशित
717
